【Emily】阿廸倡直播票站 長者見冇人先排隊
[2020.04.06] 發表
【明報專訊】選管會正就立法會選舉建議指引諮詢公眾，受關注嘅建議包括畀70歲以上長者、孕婦同殘疾者優先投票。議會陣線立法會議員朱凱廸認為，優先投票可能會犧牲要返工嘅基層打工仔投票權，反建議做網上票站直播，等老人家見到票站門口冇人排隊，先落街投票。
諮詢聽日截止，選管會呼籲市民郵寄、傳真或電郵提交書面意見。
阿廸噚日喺港台城市論壇話，優先投票係建制派「怕輸」，佢認為老人家「等得、唔企得」，建議派籌畀佢哋以等得舒服啲，甚至網上直播票站狀况，等佢哋可以喺冇人排隊嘅時段去投票。民建聯主席李慧琼(Starry)就多次話舊年區選充滿「暴力不公」，又話有人發動「和你排」重複排隊，令長者投唔到票，強調「敬老係大前提」，優先投票並冇畀長者特權。
李慧琼話敬老係大前提
雖然兩人喺論壇多次「疊聲」舌劍唇槍，但佢哋都有共識，認為嚟緊立法會選舉應增加票站同人手，減低投票等候時間。另一受爭議嘅限制睇點票人數，阿廸反對要登記身分證，認為侵犯私隱，Starry都認為冇必要，但要確保秩序。
更多港聞
【Emily】怕畀警長傳染 區議員分時段檢驗 免犯限聚令
【明報專訊】46歲警長確診新冠肺炎，佢喺3月31日晚曾參與旺角警署一帶嘅人群管理，當晚有示威者紀念太子站8．31事件。多名當日喺現場嘅區議員... 詳情
【明報專訊】疫情影響全球經濟，搵工都要睇前景，創科界睇嚟畀求職者睇好。上星期五、六數碼港舉行嘅「虛擬互動招聘博覽」，錄得近3000名求職者「...
詳情
【Emily】唔係鬥藍 容海恩舉報「香港黑警」fb
【明報專訊】新民黨容海恩（Eunice）噚日同地區發展主任梁昊佳去灣仔警察總部，舉報一個目前有40.5萬人讚好嘅facebook專頁「香港黑... 詳情相關新聞
