【Emily】消防處長周六卸任 難忘當年防護服似雨褸
[2020.04.16] 發表
【明報專訊】服務咗37年嘅消防處長李建日(圖)星期六退下火線，由副處長梁偉雄接任。李建日噚日同傳媒分享難忘救火往事，原來佢初出學堂就參與1984年香港仔大生工業大廈焚燒68個鐘嘅5級大火，佢話當年裝備無咁好，闖入火場只著住「基本上係防水、好似雨褸」嘅防護服，用呼吸器大力呼吸時仲會吸到濃煙。當年佢同隊友接力救火，每次出番嚟都黑晒，「最白係眼珠同牙齒」。
2003年屯門公路21死巴士車禍，李sir都有參與救援，佢話當年傷亡畫面好震撼，巴士跌至山腰令救援更難，同事盡力營救，亦為咗尊重死者，唔想屍體暴曬，設臨時停屍間。近年嘅牛頭角迷你倉大火、吊手岩搜救行動，3名同袍殉職就令佢非常沉痛。
舊年最大挑戰就係反修例運動，李sir話示威後期演變成快閃，有示威者到多處縱火、扔燃燒彈，消防處部署好多人手應付，又要確保其他地區應付到日常工作，壓力好大，好彩好多伙計自願返嚟幫手當值。政治風波同疫情尚未完結，李sir話喺呢個時刻卸任「覺得係有啲遺憾」，但深信同事會繼續專業、無畏無懼，戰勝疫情。
更多港聞
【Emily】同鄉會「邀」登記選民 送多5個罩
【明報專訊】不論民主派和建制派都呼籲支持者快啲登記做選民，有同鄉會就用口罩同市民交換填好嘅選民登記表。工黨何秀蘭上載一張相，配有「香港東莞橫... 詳情
【明報專訊】立法會內務委員會仍未選出主席，近日建制派議員謝偉俊（Paul）獻計，包括話民建聯主席李慧琼（Starry）可以退選。Starry...
詳情
相關新聞
