【Emily】話池水現泡沫 觀塘噴泉關閉清潔
[2021.04.27] 發表
【明報專訊】上周四(22日)啟用、耗資半億元嘅觀塘海濱音樂噴泉，開咗幾日已有部分設施損壞圍封，康文署噚日宣布，音樂噴泉同互動嬉水區懷疑池水受梘液影響，導致大量泡沫出現，已經關閉，要排走池水徹底清潔，就連噴泉表演都要暫停，直至另行通告。現場所見，康文署以膠帶同欄圍封噴泉及嬉水區，並貼上請勿靠近字句。
康文署講起有梘液同泡沫，令人聯想到網媒100毛上星期六有一個直播，主持「東方昇」喺互動嬉水區「冲涼」，其間用到梘液、玩泡泡槍等；康文署不點名批評，「市民使用遊樂場地設施時要着重公德」。東方昇經理人噚日話就事件暫無回應。
區議員：洗地清潔劑都有泡
料過濾系統有問題
觀塘區議員鄭景陽話，互動嬉水區原本係「搭單」嘅豬頭骨，係噴泉被否決後先加設，點知啟用後變成「主菜」，相信署方都未料到反應咁踴躍。佢又擔心東方昇會被追究，但指現場有唔少家長小朋友都有玩泡泡、洗地嘅清潔劑都有泡，覺得似係過濾系統有問題多啲。
更多港聞
【Emily】黃大仙祠財神宮 畀100元可為神像貼金
【明報專訊】嗇色園100周年紀慶，喺黃大仙祠有新建設，噚日就為財神宮搞開幕儀式，仲舉辦財神貼金活動，信眾可以畀100蚊領一張足金金箔片，為財... 詳情
【Emily】改建荃灣海濱公園 康署擬引入嬉水沙池區
【明報專訊】康文署計劃改善使用約20年嘅荃灣海濱公園同荃灣公園，噚日向荃灣區議會先介紹首階段工程，其中會先推行改善荃灣海濱公園工程，包括會改... 詳情
【明報專訊】幾度延期的中大校友評議會周年會員大會終在上周六舉行，被視為開明派的楊于銘高票當選校友評議會主席。剛上任的楊于銘昨日以個人名義發公...
詳情
相關新聞
