【Emily】改建荃灣海濱公園 康署擬引入嬉水沙池區
[2021.04.27] 發表
【明報專訊】康文署計劃改善使用約20年嘅荃灣海濱公園同荃灣公園，噚日向荃灣區議會先介紹首階段工程，其中會先推行改善荃灣海濱公園工程，包括會改善草地足球場設施，重鋪草地同更換地下灌溉系統，亦會重新設計現有嘅兒童遊樂場，將會以「葉」作為設計概念，引入「滑行區」、「攀爬區」、「嬉水區」、「沙池區」等多項遊樂設施，令小朋友嘅遊樂體驗更豐富。同時亦會改建門球場作為小型園圃等。
康文署亦計劃喺荃灣海濱公園種植新樹木，以改善環境，包括種植森樹等，亦會種植灌木，例如炮仗花、紅杜鵑、九里香、狼尾草等。民主黨區議員易承聰話，唔少區議員事前未有足夠時間深入了解項目，亦未有時間諮詢居民意見，因此噚日會議上暫緩處理呢個議題，未有表決，並決定喺兩個星期後於區議會轄下小組再傾。署方就話，期望獲得區議員支持後，爭取動工起後計3年內完工。
更多港聞
【明報專訊】幾度延期的中大校友評議會周年會員大會終在上周六舉行，被視為開明派的楊于銘高票當選校友評議會主席。剛上任的楊于銘昨日以個人名義發公...
詳情
相關新聞
