【Emily】羅致光做小學同學會主席 靠寫信聯繫
[2021.07.05] 發表
【明報專訊】勞福局長羅致光逢周日都出網誌，噚日一篇就唔係寫勞福政策，而係分享佢前日以英皇書院舊生嘅身分，參加英皇書院同學會小學畢業禮，與同學分享友情、知識同品德。佢話當年小學畢業，被選為同屆嘅畢業同學會主席，負責搞活動，但當年大部分同學屋企無電話，只可以寄信聯絡，每次寄49封信都係大工程，所以到中四時已經同唔少同學失去聯絡，如今只知9個同學嘅下落，仲有保持聯絡。
佢話今日科技發達，好易透過社交媒體聯絡，形容朋友係生活中最珍貴嘅資產，希望同學可以珍惜。佢提到自己由小學讀到兩個碩士、一個博士學位用咗23年，所知嘅只係滄海一粟，所以不斷學習係佢嘅人生目標之一，仲話要先確立自己同所有人都係無知，大家先唔會自滿，不斷尋求進步。佢仲話小學時老師覺得佢有啲古怪，佢當時嘅一個志願係做有修養嘅人，繼而同同學仔分享《大學》之道。唔知同學仔聽到佢講「在明明德」、「格物致知」時聽唔聽得明呢？
更多港聞
【明報專訊】商界紛紛推出抽獎鼓勵市民接種新冠疫苗，其中華懋集團嘅抽獎今朝9點開始接受登記，大家可登入抽獎網站 luckydraw.china...
詳情
杜葉錫恩紀念館揭幕 二百萬籌建傳「真港人精神」
【明報專訊】香港政壇元老杜葉錫恩（Elsie Tu）2015年逝世，生前居於她創立的慕光英文書院舊校6樓。為紀念杜太畢生的貢獻，慕光英文書院... 詳情
相關新聞
