【Emily】避年尾立選 建制提早派月曆
[2021.10.13] 發表
【明報專訊】仲有兩個幾月先到2022年，不過唔少建制派已落區派新月曆畀街坊，好似工聯會鄧家彪、新民黨李梓敬等，月初分別喺facebook話落區送月曆。民建聯觀塘區議員顏汶羽噚日亦喺facebook上載相片，話自己開始落區派日、月曆，佢話月曆係由10月開始，畀街坊可以早啲更換，又呼籲街坊拎月曆要守秩序。
過往地區人士派月曆通常都喺年尾，今年似乎早咗唔少，有民建聯中人就同Emily講，其實係同立法會選舉將至有關，過去立法會選舉喺9月舉行，今年改為12月，而月底就開始進入提名期，政黨都要小心啲，唔會喺選舉期間向市民派嘢。
今年選舉投票日為12月19日，該民記中人話，如果等到選舉後先派月曆已經太遲，所以大家都提早派；好彩年尾無咩大節日，選舉期唔算非常打亂佢哋嘅地區工作。
更多港聞
【Emily】新民黨搞辯論 英文傾「共同富裕」
【明報專訊】民建聯日前舉辦施政辯論擂台，由該黨立法會議員、第二梯隊等就唔同政策辯論，原來其他政黨亦有類似安排，不過就係內部活動。新民黨fac... 詳情
【明報專訊】學童人口正面對結構性下跌，資助小學校長會、津貼小學議會等近日多次向教育局建議，應趁機全港實施小班教學。教育局昨日在網上撰文，不點...
詳情
相關新聞
