【Emily】教學生家居伸展 李慧詩細個行住溫書
[2022.01.24] 發表
【明報專訊】港隊單車代表、東奧銅牌得主李慧詩(Sarah)，日前為教育局嘅「躍動校園 活力人生」計劃拍攝影片，為學生示範「家居椅子伸展運動」。教育局長楊潤雄喺facebook上載一段影片，活動由車壇名宿洪松蔭主持，Sarah就示範平日喺屋企點樣用一張櫈做伸展運動，包括透過唔同動作伸展腰部、大腿等部位。Sarah又分享「讀書秘訣」，話除咗拉筋之餘，如果屋企有空間亦可以多啲步行，佢細個讀書時都係寫完筆記之後，一邊行一邊溫習。
楊潤雄喺facebook話，希望學生喺疫情下留家學習，亦要保持健康體魄，所以特別感謝Sarah親身示範伸展運動，等學生同家長都可以邊「睇片」邊練習舒展筋骨。楊局長又透露，為配合下月開幕嘅北京冬奧，教育局製作咗有關「花樣滑冰」同「冰球」嘅影片特輯，形容內容充滿學問，亦相當有趣。
更多港聞
浸大新課程教學生為社會解難 文理科技學士 鼓勵自擬社會議題探討
【明報專訊】浸會大學下學年推出4個跨學科新課程，當中「文理及科技學士（榮譽）」鼓勵學生自擬有意探討的社會議題，並構思解難方案，過程由跨學科的... 詳情
【明報專訊】社區組織協會有關特殊教育需要（SEN）基層學童的問卷調查顯示，家長最需要功課輔導和補底班等學習方面支援（87.5%）。社協稱，疫...
詳情
相關新聞
