【Emily】政府推周五便服日 鼓勵僱員做運動
[2022.08.04] 發表
【明報專訊】政府噚日宣布，由今個星期開始推行「星期五便服日」，政府僱員逢星期五可以著運動服或便服返工，以鼓勵及方便僱員喺公餘時間參與康體活動，但便服日不適用於因為職務需要而須穿著制服或工作服嘅人員，或因出席重要場合而須穿著正裝嘅人員。公務員事務局長楊何蓓茵話，政府鼓勵僱員喺公餘時間多做運動，平衡工作同生活嘅需要。
廠商會會長史立德話，唔少行業對服飾冇太大要求，銀行同辦公室工作都可以響應，所以佢都呼籲私人企業響應便服日，返工衣著唔使太formal。佢提到，以前有唔少私人企業都會響應政府便服日，但主要視乎公司做唔做到，例如酒樓等要著制服嘅行業，就較難實踐便服日，因為制服除咗用以識別員工，更反映咗公司形象同良好管理，唔想顯得太亂。
更多港聞
【Emily】九龍城試用新滅鼠器 垃圾房一周捉7鼠
【明報專訊】新一屆政府銳意改善各區鼠患問題，本身係九龍城區議員嘅立法會議員（九龍中）楊永杰話，區內公共屋邨鼠患嚴重，其中愛民邨有如「愛鼠邨」... 詳情
【明報專訊】無綫電視最近播出通靈選秀節目《通靈之王》，Emily聽聞引起部分立法會議員關注，一度打算去信通訊事務管理局投訴。有份關注事件嘅選...
詳情
【Emily】空姐牛肉飯老闆 現身粉碎結業傳聞
【明報專訊】喺反修例事件期間，食店「空姐牛肉飯」老闆郭德英多次發表撐警及反暴力言論，最近被人喺網上及facebook多個專頁傳佢間店結咗業，... 詳情相關新聞
