【Emily】C919攝影賽 獅山前飛過奪冠
[2024.01.27] 發表
【明報專訊】國家自主研製民航客機C919上月喺維港上空飛行演示，運輸及物流局聯同機管局搞咗個攝影比賽，吸引唔少攝影高手帶埋腳架同長鏡大展身手。比賽噚日公布結果，喺超過800份參賽作品中揀出冠、亞、季軍及50個優異獎，每人分別獲贈兩張長途或短途航點嘅經濟客艙來回機票。
冠軍得主潘士強嘅作品捕捉到C919客機飛過獅子山前嘅一刻；亞軍得主劉天然就影到C919飛越國際金融中心樓頂嘅一刻；季軍得主李晉熙嘅作品就睇到客機喺高密度樓宇嘅市區飛行。運輸及物流局形容得獎作品充分展現C919飛越香港上空嘅風采。
局方又話，今次比賽旨在鼓勵市民親身去維港兩岸觀賞飛行演示，見證國家航空製造業嘅重要里程碑，用相記低C919首次喺香港翱翔嘅一刻；又話會繼續把握國家發展嘅機遇，全力鞏固同提升香港作為國際航空樞紐嘅地位。
更多港聞
相關新聞
