【Emily】就住盤數 「雙料議員」繼續扣薪 下屆立會人工同樣無得加
[2025.05.31] 發表
【明報專訊】立法會議員酬金及工作開支償還款額小組委員會之前提出取消「雙料議員」要扣薪三分之一嘅安排，不過，特首會同行政會議決定接納「政治委任制度官員薪津獨立委員會」嘅決定，包括「唔建議」實施有關立法會委員會嘅提議，而出年1月上任嘅新一屆立法會議員，人工同現屆一樣，即係維持月薪10.8萬多元。
小組委員會上屆嘅同樣建議都被獨立委員會否決。獨立委員會今次話，同意身兼兩職原則上係履行兩重職能，投入議會嘅時間亦唔少於其他立法會議員，理應全數獲得兩份酬金，但考慮到經濟狀况同公共財政壓力，包括新一份《財政預算案》提出強化財政整合計劃，委員會認同「現時未必是適當時機，對立法會議員薪津安排作出任何可能會帶來額外財政影響的改變」。
至於出年1月新一屆嘅立法會議員，酬金將同現屆一樣，包括每月逾10.8萬元酬金、任滿後15%酬金、每年逾298.4萬元嘅辦事處營運開支償還款額等。
立法會相關小組委員會舊年亦提出，以加權指數作為每年調整議員辦事處營運開支償還款額嘅基礎，獨立委員會亦「唔建議」實施，原因係改變後有較大可能令每屆立法會嘅津貼率增加。
更多港聞
【Emily】暖暖獨居老友記 馬會義工端上端陽糉
【明報專訊】端午節來臨，馬會義工隊日前組隊上門探訪深水埗嘅獨居「老友記」，送糉子畀長者應節，馬會行政總裁應家柏同20多個義工隊成員更親手寫端... 詳情
【Emily】創意思維世界賽 中三生「機械狗話劇」奪亞
【明報專訊】香港近年鼓勵學校推動STEAM教育，沙田佛教黃允畋中學2009年起就參加「創意思維比賽」，今年派出7名中三同學參賽，憑一套以寵物... 詳情
【明報專訊】政府噚日宣布再委任王沛詩為監警會主席，任命由下月1日開始，為期兩年。佢自2021年起接替梁定邦出任監警會主席，今次係連續第三次獲...
詳情
相關新聞
