【Emily】「大灣區號」亮相 地標飛天說故事
[2025.06.03] 發表
【明報專訊】以「發揮香港優勢，建設一流灣區」為設計主題嘅「大灣區號」客機，噚日喺香港國際機場舉行揭幕儀式。呢架飛機嘅特色係機身印咗一啲大灣區地標嘅圖案，例如澳門大三巴、珠海大劇院「日月貝」、廣州塔「小蠻腰」等。政制及內地事務局長曾國衞期望呢架飛機成為「說好灣區故事」嘅「空中大使」，畀更多人留意大灣區嘅最新發展同香港內聯外通嘅角色。
「大灣區號」機身嘅設計意念嚟自政制及內地事務局嘅粵港澳大灣區發展辦公室；作為大灣區航空其中一架客機，佢已經開始往返香港、內地同亞洲多條航線。出席揭幕儀式嘅大灣區航空行政總裁吳秀蘭話，公司嘅成立正係響應國家大灣區發展策略，所以支持政府呢項別具意義嘅活動，藉飛機每日往返唔同城市，傳揚大灣區願景。
更多港聞
【明報專訊】教育局於「中一入學前香港學科測驗」（Pre-S1）抽樣成績，以調整每間小學往後Band 1（第一組別）學生比例。局方昨發通函表示...
詳情
【明報專訊】內地及港府今年會舉辦多項活動紀念抗戰勝利80周年。香港教育界32個團體成立「教育界紀念中國人民抗日戰爭暨世界反法西斯戰爭勝利80...
詳情
相關新聞
