【Emily】「私隱周」講AI 主題電車巡迴宣傳
[2025.06.10] 發表
【明報專訊】私隱專員公署今個星期(6月9日至15日)搞「關注私隱周2025」，今年主題係「AI安全『智』重要」，公署推出咗全新嘅人工智能安全專題網站，方便公眾同機構查閱使用AI嘅指引資料、教育資訊、國際間嘅規管發展等；今日(10號)公署同城大出版社合辦研討會，探討香港私隱領域嘅最新發展、私隱條例下有關轉移個人資料到境外地方嘅規定等。
除咗私隱周，之後公署都有其他相關活動，包括即日至7月4日期間安排咗主題電車喺港島巡迴宣傳，車身印有「AI安全」熱線同專題網站嘅二維碼，市民見到有需要可以隨時記低。
公署下周五就同生產力促進局舉辦針對中小企嘅活動，探討中小企喺商業上應用AI所涉及嘅數據安全及個人資料私隱風險，仲有中小企採購同使用AI系統包括生成式AI時嘅最佳做法等。活動詳細安排見公署網頁。
更多港聞
【Emily】知專生赴法向Chanel取經 啟發設計創作
【明報專訊】香港知專設計學院（HKDI）同知名品牌Chanel早前達成3年合作伙伴計劃，5名學生舊年去法國交流，學校就獲品牌支持舉辦「Ima... 詳情
張振興書院「動感課堂」 AI作曲學文言 旅遊課「下棋」
【明報專訊】學生的學習模式各有不同，傳統「排排坐」教學模式未必人人適合。張振興伉儷書院今學年在各級首推「動感課堂」感官教學策略，教師加強與學... 詳情
【明報專訊】香港大學學生發展及資源中心（通識）舉辦「兒童閱讀繪本計劃」，讓港大生運用專業知識服務社區，為兒童成長注入正能量。計劃讓來自文學、...
詳情
相關新聞
