【Emily】亞非法協仲裁中心3周年 舊終院做「新屋企」
[2025.06.11] 發表
【明報專訊】區域法律組織「亞非法協」喺香港開設區域仲裁中心3周年，噚日喺舊終審法院、前法國外方傳道會大樓舉辦慶祝儀式，中心主任陳曉峰(Nick)宣布，中心將遷入舊終院呢座法定古蹟，並歡迎嘉賓來到「新屋企」。佢話呢度曾經係終院所在，過去有效率地尋求公義，今日歡迎來自亞洲同非洲等地嘅朋友共聚一堂。
睇番舊終院水牌，目前有3個機構進駐，包括亞洲國際法律研究院、海牙國際私法會議亞太區域辦事處及「律政司與聯合國貿法會合作項目辦公室」。
亞非法協區域仲裁中心近年推動體育仲裁同調解，噚日分別同香港奧林匹克學院及浸大簽署備忘錄。浸大校董會主席黃英豪話，浸大雖然無法律學院，但希望透過體育調解合作課程，畀律師、運動員同經理人等報讀，推動體育調解。
更多港聞
【Emily】兒童醫院搞「虛擬遊」 綵排手術紓病童焦慮
【明報專訊】兒童醫院同理大電子計算學系、城大電腦科學系及智樂兒童遊樂協會合作，研究虛擬實境（VR）對減低兒童手術焦慮嘅成效。團隊會搵接受非緊... 詳情
【Emily】服務有段史 明報集團嘉許47老臣子
【明報專訊】明報集團喺香港歷史悠久，旗下刊物除了《明報》，仲有《明報周刊》、《明報月刊》等，同樣出版多年。唔少員工同樣有一定「歷史」，每年集... 詳情
相關新聞
