【Emily】話學生天馬行空好重要 梁美芬：我參加過內地乞兒團
[2025.07.05] 發表
【明報專訊】立法會教育事務委員會噚日討論香港學生參與國際研究及評估嘅情况，經民聯梁美芬提到，教育學生「天馬行空」非常重要，仲分享話自己讀大學時，參加一個「乞兒團」去內地，即係外國嘅「survival camp」，佢要喺7日內由北京去杭州，其間一毫子都無，於是大家要出盡法寶搵錢完成任務，有人賣唱，有人就去麵舖洗碗。
梁美芬呼籲教育局負責設計課程同決策嘅人，連同家長都要重頭諗一次，而家係咩社會，「而家係AI(人工智能)世界」。
梁又認為，要教育學生大膽，唔好鼓勵佢哋太完美主義「科科攞A」，鍾意嘅學科、範疇攞「A」就得，唔需要十項全能。教育局長蔡若蓮亦話，同意要畀空間令同學有時間發揮創意，同時要容許同學嘗試、做得唔完美，「唔係次次攞第一，都好重要」，又提醒家長，有高要求係好事，但同時要為仔女提供發展空間。
更多港聞
【Emily】施政建議 G19倡設谷消費工作組
【明報專訊】新一份《施政報告》9月發表，由無政黨立法會議員組成嘅「G19」噚日同特首李家超會面，提出8項共同倡議。G19建議政府成立「刺激本... 詳情
【Emily】懸空9個月 應科院總裁孫耀達履新
【明報專訊】應用科技研究院原行政總裁葉成輝舊年10月任期屆滿唔續任，職位懸空9個月後，新任行政總裁孫耀達周三（2號）履新，應科院喺職場社交平... 詳情相關新聞
