【Emily】海防館抗戰展 AI「老兵」答問
[2025.08.29] 發表
【明報專訊】「粵港人民抗戰勝利八十周年展」即日起至明年7月8日喺香港抗戰及海防博物館舉行，費用全免。展覽展出40件抗戰文物，仲設有互動展館，當年做過小鬼交通員及護理員嘅原東江縱隊港九獨立大隊老游擊戰士聯誼會會長林珍以AI形式現身，同參觀者對話，而佢本尊噚日亦有出席開幕禮。
展覽部分展品就來自廣東革命歷史博物館，當中有1944年中山人民抗日義勇大隊送畀有功人員嘅模範銀戒指，見證大隊奮戰功績，仲有東江縱隊隊員用過嘅望遠鏡，兩件藏品都保存得好好。
展覽以外，康文署下周三(9月3日)下晝3點，即係抗戰勝利紀念日當日舉辦抗戰歷史對談，由原東江縱隊港九獨立大隊老游擊戰士聯誼會副會長林鳴做代表，同本地中學生對談。
更多港聞
【Emily】浸大取錄9精英運動員 有輪椅港將
【明報專訊】新學年即將開始，浸會大學噚日宣布今年透過「優才運動員入學計劃」取錄9個精英運動員入讀本科課程，涉及田徑、籃球、劍擊、空手道、武術... 詳情
【Emily】湯文龍毛樂禮齊去印度出席法界會議
【明報專訊】香港兩個律師會不時齊齊去外國出席業界會議，最近就一齊去印度出席亞洲律師協會會長（POLA）峰會，同大約50個來自超過10個亞太區... 詳情相關新聞
