【Emily】灣區專員兼任政制局常秘
[2025.09.20] 發表
【明報專訊】Emily先前提到，粵港澳大灣區發展專員陳潔玲(Maisie)有傳將會接任政制局常秘，先前已喺選委會分組界別補選幫手，並喺多個場合現身。政府噚日刊憲，正式公布陳潔玲由今個禮拜起兼任常秘，署理政制局常秘近3個月至12月8號，即係立法會換屆投票日翌日。
懸空個半月 署理到立選
今次調動因為資深政務官、常秘傅小慧退休。憲報正式公布，傅小慧7月31號起開始退休前休假，即由職位懸空到有署任人選，都隔咗一個半月，反映退休潮之下政府人手調動緊張。
陳潔玲目前係首長級甲級政務官(D6)，不過政府內部都預計，佢稍後會「坐正」，所以要觀望之後會否升職甲一級(D8)。佢做專員前本身係政制局副秘，2021年負責過立法會選制修例，所以對選舉工作並唔陌生。
更多港聞
【Emily】中九繞道兩巴試車 城巴推新機場線 康城出發快40分鐘
【明報專訊】中九龍繞道（油麻地段）預計年底開通，九巴同城巴星期三（17日）已經完成首次道路測試，試行多條經繞道往返九龍東西嘅路線。城巴仲預告... 詳情
相關新聞
