【Emily】「文人大營救」一日遊 百生先體驗
[2025.10.10] 發表
【明報專訊】旅發局同深圳市文化廣電旅遊體育局合作，推廣以「中國文化名人大營救」為主題嘅一日研學旅遊路線，噚日帶領100個來自香港同深圳嘅中學生率先體驗，參觀幾個同抗日歷史有關嘅景點，希望令學生了解國家發展同香港嘅抗戰歷史。
涵港深兩地抗日景點
「中國文化名人大營救」香港深圳學習之旅噚日喺香港舉行起步禮，100個中學生先後參觀香港抗戰及海防博物館同西貢斬竹灣抗日英烈紀念碑，了解香港喺抗日戰爭嘅角色、港九獨立大隊游擊隊嘅事迹等。一眾學生之後到訪喺深圳嘅中國文化名人大營救紀念館，重溫營救歷程同故事，最後仲參觀深圳圖書館文化名人大營救圖書匯。
旅發局主席林建岳話，藉住抗戰勝利80周年嘅契機，局方將呢幾年開發同積累嘅紅色旅遊路線同研學景點，按九大主題推出，豐富旅客體驗。旅遊事務專員張馮泳萍就話，旅遊事務署會繼續支持紅色研學旅遊發展，同各界攜手開發更多結合歷史文化同旅遊體驗嘅項目。
更多港聞
港大非本地生破40% 稱巴塞買樓為配合新課程 另於中東物色
【明報專訊】港大收生及國際生交流事務總監嚴志堅昨稱，港大本學年已取錄約1600名非本地新生，按年增約400人，使整體非本地生人數超越「40％... 詳情
名家學堂：東晃西晃 窮遊人生——台灣作家舒國治
【明報專訊】台灣作家舒國治在本年度香港書展以「寫到老，也吃到老」為講題，聽上去是閒適淡然的作家人生，舒國治的理解卻是「寫到老，就是一直到老都... 詳情相關新聞
