迪士尼夜間巡遊 表演者也發光
[2014.09.12] 發表
【明報專訊】以白天客為主嘅香港迪士尼樂園，下月1號國慶日起首推夜間巡遊，昨晚率先舉行傳媒預演。Emily知道，創作團隊花咗超過兩年，為巡遊製作超過1000個場景及燈光設計，並有7組主題花車，包括大人細路都喜愛嘅反斗奇兵、怪獸公司和米奇及好朋友等，花車並配上首次使用嘅74萬粒獨立LED燈。
Emily噚晚喺預演見到巡遊先由魔法師米奇嘅神奇光影畫筆開始，不單止為花車營造閃爍效果，更係首次將光影技術用於表演服飾上，令表演者服飾有超過25種光影效果，每件服飾有獨立燈光控制系統，帶來嶄新視覺效果。
除咗服飾，髮型化妝亦有新猷，為咗令表演者頭髮閃閃發光，樂園將光纖縫於表演者假髮內，連假眼睫毛亦含有可變色光纖，相當有創意。
更多港聞
相關新聞
