【明報專訊】今日係社民連成立8周年，佢哋今晚會喺旺角彌敦道倫敦酒樓慶祝，不過社民連最大粒果兩個，即係主席長毛(梁國雄)同副主席黃浩銘因為有禁足令在身，噚日成功向裁判官申請禁足令獲豁免一晚咁多，但佢哋要好似灰姑娘咁，半夜12點前要離開旺角。 兩人似灰姑娘 12點前要離場 佢哋兩個之前因為被指喺旺角佔領地區阻礙執達吏執行職務，被裁判官禁足旺角道、登打士街、花園街和上海街4條街交界嘅範圍。 不過，偏偏舉行生日晚宴嘅倫敦酒樓位於彌敦道，喺禁足嘅範圍之內。控方認為係單一事件，唔反對佢哋嘅申請。裁判官最終批准兩人喺明晚5點至12點可以踏足旺角原本指定禁足範圍，但12點後就要好似灰姑娘咁離開被禁足範圍。控方噚日提醒長毛同黃浩銘，去飲之餘記得要預番時間喺12點離開指定範圍。長毛多謝控方嘅提醒，仲笑住話除非醉咗。 【KCCC4216，21/14】
|
| |
| |
;){kind=small}
;)
