【明報專訊】人大會議噚日開幕，一眾人大代表都去到北京人民大會堂開會，聽總理李克強發表工作報告，而35個港區人代及基本法委員會副主任梁愛詩亦好似往年一樣，開會前齊集影幅靚相。由於范徐麗泰係人大常委，唔係同其他港區人代一齊出發，所以合照就冇佢份。 噚日聽完政府工作報告，今日一眾港區人代亦會到人民大會堂開會，全國人大委員長張德江亦會出席，聽大家意見。記得去年今日，張德江喺會上提到責成部委研究香港旅客承受力問題，一年後政策未有改變，市民對自由行、水貨客愈來愈有情緒，唔知今日張德江仲會唔會再提呢個問題呢？
|
| |
| |
;){kind=small}
;)
