【明報專訊】香港電視劇集《導火新聞線》本周結局篇，劇情講到「囧報四小強」輝爺(王宗堯飾)、阿咩(楊淇飾)、方凝(周家怡飾)及王子(姜文杰飾)的感情線開始七國咁亂。方凝對失戀又家庭破碎的阿咩由憐生愛，並向阿咩示愛：「我鍾意�鬻A。」爆出「sheshe」(網絡潮語、女同性戀)味濃，破格及顛覆港劇傳統感情線。

劇中輝爺自覺是天煞孤星，怕連累阿咩故拒愛，其實心底依然很愛對方。現在出現「sheshe」劇情，網民擔心輝爺箍煲無望。王宗堯說：「這段『sheshe』真是很爆，一開始真是估不到，四人會否因這樣無朋友做？大家都猜我同阿咩之後會點，件事無如此簡單，會再複雜些，沒這麼容易到終點。」

「天煞孤星」王宗堯拒愛

王子一直暗戀方凝，他看準機會與方凝梳化激戰肉緊咀嘴，誰料被阿咩撞破好事。周家怡說：「這場激情戲都拍了好耐，前面有少少方凝的內心戲，她本身不是鍾意女人，但又鍾意阿咩，本身都好亂。」網民對「sheshe」反應甚大，她亦覺得震撼，之前有些曖昧等觀眾估。至於會否有「sheshe」親熱戲？楊淇表示：「阿咩同方凝一齊住咁耐，會一齊�唌B煮飯等，親熱就不會啦！阿咩不知道方凝鍾意她，之後有少少面左左。其實方凝是一個好需要愛的女仔，很難被人介入生活，而阿咩主動活潑融化了方凝。主要講人與人之間需要關心，並非男同女的事。」

娛樂組