懲教畢業學員答問題如錄音機
[2015.10.24] 發表
【明報專訊】懲教署學員噚日舉行結業會操，有27個懲教主任同68個二級懲教助理畢業。其中一個喺訓練中拎到「金笛」嘅二級懲教助理尹炩心話懲教工作好有意義，又覺得相比男性，女仔聆聽會好啲同埋細心啲，希望幫到囚犯。
Emily見佢咁有心，都覺得有啲感動，咁啱見到95個畢業學員入面得13個女畢業學員，就八卦問吓佢，會唔會覺得喺遴選過程可能偏向男性，又或者女仔喺邊方面會較男仔輸蝕。點知在旁嘅懲教主任行去佢背後好似提水，尹聽完就話「懲教署(遴選)無分男女」。Emily諗住問多幾句，但懲教主任細細聲講一句，尹問就好似人肉錄音機咁答一句，Emily仲以為自己同緊個懲教主任講嘢！結業操有律政司長袁國強主持，不過佢待會操一完咗，一句「今日唔講嘢」就直接走咗。
更多港聞
相關新聞
