【明報專訊】香港年輕人喺世代爭議下，或許未必能獲年長者認同，但其實不少港青靠個人才能喺國際比賽中大放異彩。現年19歲、喺大學讀書嘅袁斯樂，憑兩張喺飛鵝山拍得嘅香港夜景照片，贏得2015國家地理攝影大賽嘅青年組冠軍及佳作獎項。佢話港人其實同郊外好近，希望將美景拍低，畀更多人睇到。 高樓大廈對比山上營幕 袁斯樂話，拍攝冠軍照片(圖一)前一個月已構思好構圖，希望利用高樓大廈與自然山崖上嘅營幕作對比，但一直未等到好天氣，直到拍攝當日剛考完試，一打開電話就收到朋友通知天氣合適，即趕返屋企收拾器材，並請朋友幫忙將一個露營燈籠帶上山。其後佢將相片分享到網絡，沒料到被熱烈討論，令佢更有動力，拍攝出不一樣嘅香港。 盼拍出不一樣的香港 對於今次獲國際肯定，斯樂話好驚喜，佢透露一年半前首次登山，被雲海深深吸引，其後不時上山影相。今次獎品包括由台北至美國不限航點嘅機票，袁斯樂話將與朋友一同到美國嘅國家公園拍攝岩石。 袁斯樂更多照片連結(facebook.com/ kelvinlandscapes)。 (相片由袁斯樂提供)
|
| |
| |
;){kind=small}
;){kind=small}
;)
