【明報專訊】毛記電視的《萬千呃Like賀台慶》於5月11日在會展舉行，門票早已售罄，前晚「腦細」林日曦在facebook透露會有電視台播映當晚節目。他上載ViuTV的節目表，5月11日的晚上8時半至11時半共3小時，有「TBC」(To Be Confirm)字樣。ViuTV播映《萬千呃Like賀台慶》，同時段對撼是TVB兩線劇集《火線下的江湖大佬 》與《殭》等。毛記電視的《台慶》是話題節目，對TVB有一定的威脅。 林日曦叫謝安琪粉絲繼續睇《殭》 林日曦在fb寫道：「如無意外，呢幾日內，毛記電視同某電視台將會公布一件小事。如無意外。76日之前，我問某電視台負責人有冇興趣XX，佢話有，可以傾吓。傾吓傾吓…唔係真係求其傾吓咁簡單，雙方同事用咗足足76日去磋商，展開超過3次廁所門外嘅雙邊對等會談，喺隨時都有幾萬個因素影響到唔能夠成事嘅險要環境底下……我啱啱收到同事唔算十分可靠嘅消息，話雙方最快聽日最遲星期一，可能或者有機會落實所有細節然後公布呢件事……如無意外。呢幾日，唔洗(使)咁留意某電視台、100毛以及毛記電視…小事嚟啫。」他又為節目表作圖解，說：「某電視台5月11日之節目表，有一個叫《TBC》成三個鐘頭嘅新節目。」 ViuTV：細則洽談中容後公布 網民獲知ViuTV播映《萬千呃Like賀台慶》的安排，有人留言叫好，也有謝安琪的粉絲說難選擇，因為同時段要睇《殭》，除非「腦細」邀謝安琪出席台慶即轉台，林日曦回覆：「《TBC》呢啲咁低質嘅節目有乜好睇…你繼續睇《殭》啦！」有網民留言終於有直播，林日曦回覆：「雖然係冇喺灣仔現場咁正㗎喇，仲會miss咁一啲嘢，但係粗粗哋頂住先啦。」至於ViuTV發言人回應播映安排，表示：「細則洽談中，有消息會容後公布。」 至於《萬千呃Like賀台慶》的內容，暫時只公布有「萬千呃Like頒獎典禮」選最Like男主角與最Like女主角等。 娛樂組
|
| |
| |
;){kind=small}
;){kind=small}
;)
