【明報專訊】去年區選中落敗而失去超級區議會入場券嘅民協立法會議員馮檢基，一直搵區落腳以再戰下屆立法會，佢噚日正式向黨內遞交申請，決定轉戰新界西。馮檢基話，上屆泛民喺新西成績唔理想，認為今屆有條件讓民主派重演「新東奇蹟」，期望泛民9席中可以奪6席。 不怕泛民「攬炒」 「只會增加議席」 不過今屆立法會湧現唔少新政團，泛民隨時「攬炒」，尤其新西仲有路線相近嘅街工。基哥就強調，自己加入同其他民主派無任何衝突，話「只會為泛民增加議席」，又反指自己票源重疊最多嘅係建制派。 對於社會有呼聲新舊交替，已經63歲都繼續征戰嘅基哥解釋，搞政治都要講經驗、資歷，又話想選美國總統嘅特朗普、希拉里個個都後生過自己。佢又強調，自己出選對民協新一代參選「無阻力」，話民協喺部分區仲有空缺。
|
| |
| |
;){kind=small}
;)
