【明報專訊】教育局長吳克儉早前透露防止學生自殺委員會將發表報告，當中分析大學生壓力成因，提到「生涯規劃」十分重要，引起爭議及批評；佢噚日就為此澄清，話學生自殺因素複雜，強調自己無講過大學生自殺與生涯規劃教育有直接關係。 吳克儉上周六外訪返港時表示，早前出席一個頒獎禮，其間鼓勵家族企業嘅領導可多花時間及資源協助學生，特別喺生涯規劃教育嘅部分。佢話生涯規劃教育嘅目的之一，亦顯示到學生所受嘅壓力係多方面，部分係選修科及個人抗逆力等。佢強調學生自殺因素複雜，澄清自己「無講過大學生自殺與生涯規劃教育有直接關係」。 喺呢件事上不止一次公開批評佢嘅民建聯立法會議員劉國勳，就喺facebook問網民，覺得局長咁講算唔算收回言論？ 佢仲話要同吳克儉探討吓抗逆能力同生涯規劃，直言喺推動生涯規劃同時，係咪應該先檢視整個教育制度，究竟為學生提供咗幾多配套、幾多選擇？劉國勳質疑，現有制度下，學校同老師未必有時間、資源同學生一齊建立抗逆能力，以致未能及早發現有情緒及壓力嘅學生。
|
| |
| |
;)
