34歲施德來任民協主席
[2016.12.30] 發表
【明報專訊】民協噚晚舉行會員大會，分別選出新一屆正副主席同中委會成員。年僅34歲嘅黃大仙區議員施德來(圖)成為新主席；曾出戰超級區議會、28歲嘅何啟明，及31歲深水埗區議員楊彧就成為新任副主席。新任領導層平均年齡只有31歲。
施德來話，民協正經歷艱難時刻，希望各成員同支持者一齊努力，喺艱難中奮鬥。施德來、楊彧同何啟明係以「內閣」形式角逐主席同副主席職位，喺無對手下自動當選。佢哋認為咁反映民協齊心團結，領導層實行年輕化，落實推動民協改革，施德來希望可為民協帶來「蛻變．重生」，重獲市民支持同信任。
民協本來今年初改選領導層，當時由莫嘉嫻出任主席，原定任期為兩年，但由於喺立法會選舉中失利，失去唯一嘅議席，所以莫嘉嫻請辭並提早改選。
更多港聞
相關新聞
