大富翁公布由香港人投票選出嘅「大富翁：香港版」新版圖，22個地點中，太平山以高票當選成為最貴嘅「地王」，而新界區成為版圖上最大地域，有9個地點，離島區就淨番長洲一席。 大富翁之前邀請香港市民投票選出香港版新版圖，結果噚日揭曉，加入了14個新地點，取代原有14個地點，總數維持22個。新地點包括香港區嘅薄扶林、灣仔、香港仔、鴨脷洲；新界區有馬鞍山、荃灣、將軍澳、大圍、大埔、屯門、天水圍；九龍區有觀塘、藍田、西九龍。 「大洗牌」之後新界區成為版圖上「最大勢力」，由以往6個地點加到9個，港島區亦由5個增加到7個；此消彼長，九龍區少咗一席至餘下5席，離島區爭啲就「滅區」，剩番長洲力保最後一席。今次新版大富翁同埋8款銀棋子、8款全新金棋子一齊推出。
|
| |
| |
;)
