數字颱風信號百周年郵票 6．13發售
[2017.05.30] 發表
【明報專訊】打風時大家都好關注幾多號風球，相信讀者對各數字颱風信號同標誌都唔陌生，其實今年已經係佢哋出現100周年，香港郵政宣布，將於6月13日推出一套以數字颱風為題嘅紀念郵票及相關集郵品。紀念郵票一套5枚，分別印有不同嘅數字颱風信號，以油墨印刷。
1917年，香港首次使用數字颱風信號表示熱帶氣旋吹襲時嘅風向及風力，以向市民發出警告，經多次改良，發展至現時嘅颱風信號制度。
5枚郵票包括1號戒備信號($1.7)、3號強風信號($2.2)、8號烈風或暴風信號($2.9)、9號烈風或暴風風力增強信號($3.7)和10號颶風信號($5)(見圖)。香港郵政話，郵票上嘅標誌都以凸字油墨印刷，有豐富質感。
而郵票小型張嘅左方，就顯示咗過去香港天文台總部懸掛10號颶風信號嘅情景，右方就分別為1917、1931及1973年使用嘅數字颱風信號系統。
更多港聞
【明報專訊】競爭事務委員會（競委會）自成立後一直致力打擊圍標，佢哋舉辦嘅「打擊圍標全城目標」宣傳活動，最近就喺國際競爭規管網絡同世界銀行集團...
詳情
【明報專訊】美國網絡電視Netflix早前上映咗一套紀錄片《黃之鋒：熱血青年vs.超級強權》，講述香港眾志秘書長黃之鋒由2012年至2016...
詳情
相關新聞
