【明報專訊】新任特首林鄭月娥一上任就開咗facebook專頁同網民交流，仲不時更新吸Like，作為下屬當然都要緊跟「新人事、新作風」。政制及內地事務局長聶德權(Patrick)近日都開咗facebook個人專頁，並已取得官方藍剔認證，Patrick拍晒片同網民打招呼，喺片中仲用自己嘅姓氏「搞gag」，提到「三耳局長」呢個稱呼，又強調日後會「細心聆聽」、「主動溝通」及「做好政制及內地事務局工作」。 Patrick另一個帖文就玩親民形象，身穿藍色運動裝，喺沙田城門河畔跑完10公里後，身水身汗咁自拍。Emily見到Patrick連髮型都有幾分凌亂，唔知有無晨運市民喺路上認得出佢呢？ 上任近個半月，Patrick噚日就用新身分首次帶隊到北京，同相關部委加強工作聯絡，其間都會探訪佢曾工作過兩年嘅駐京辦事處。佢臨出發前透露，中央正研究並會陸續出台便利港人在內地生活、就業嘅措施，所以今次都會藉機同喺內地嘅香港商會朋友、專業人士交流吓。
|
| |
| |
;){kind=small}
;)
