換人工關節 周一嶽撐拐杖上庭
[2017.09.27] 發表
【明報專訊】平機會前主席周一嶽(右)噚日就一宗勞資審裁處嘅案件出庭作供，Emily見到佢精神幾好，但就撐住拐杖步入法庭。佢作緊供時，手表仲突然響起，之後佢尷尬地同審裁官解釋，原來係鬧鐘提佢夠鐘要做運動。
散庭後，周一嶽同Emily講，佢以前都曾以醫生身分出庭作供，做專家證人，不過今次到勞審處就係第一次。佢又話，兩星期前雙膝都做咗更換人工關節嘅手術，所以暫時要依賴拐杖行路，康復進度良好。
周一嶽今年初加入友邦保險(AIA )做首席醫務官兼企業顧問，佢話做完手術一星期後已經復工，完全無影響工作，仲同Emily話「返工係用腦唔係用腳㗎嘛」。佢又提到，好多年前已經想換人工關節，指早排打壁球時發現關節真係頂唔順。
更多港聞
中學南亞裔聯絡主任推共融 深明歧視苦 更懂助族人
【明報專訊】政府近年增撥資源支援少數族裔，包括額外撥款予收錄10名或以上非華語學生的學校。廠商會蔡章閣中學有近六成非華語學生，該校聘請了巴基... 詳情
相關新聞
