麵店女工用腳「拍蒜」 老闆：即掉晒
[2018.06.09] 發表
【明報專訊】要拍蒜頭？唔使用手嘅，元朗有麵店女工放蒜頭喺地用腳踩，踩完再將蒜頭放入鐵盆，真係睇見都唔敢食。
網民喺facebook「PLAY HARD 玩硬」專頁分享影片，話元朗興記粉麵嘅員工用腳喺地踩蒜頭。睇番條片，著黑鞋嘅女工大力踩放喺地嘅蒜頭(圖)。條片嚇親唔少網民，有人話你食埋我份。又有網民提議，其實用膠袋裝好，成袋用槌揼，咪又快又乾淨！仲可以袋住啲衣，成袋掉咗佢。
興記粉麵老闆就話，片中人確係佢間麵店女工，平時佢會自己負責廚房工作，用刀?砧板拍蒜頭剝肉，但當日佢有事唔喺麵店。佢啲仔女當日向佢展示片段之後，已立即掉晒廚房啲蒜肉，仲訓示員工要注意衛生。佢話開店多年一直留意食物味道同衛生。
更多港聞
【明報專訊】Emily平時開心買嘢，唔開心又買嘢，但買完又唔捨得掉，搞到一屋都係嘢。有機構調查發現，好多香港人同Emily一樣，唔捨得掉嘢，...
詳情
相關新聞
