【Emily】范國威退黨不再參選 退出政壇陪家人
[2021.05.25] 發表
【明報專訊】民主派初選案36人仍在還押，新民主同盟創黨成員、立法會前議員范國威(Gary，圖)，噚日宣布退黨，「此舉亦代表我正式退出香港政壇，不會再發揮政治影響力及參與各級選舉」，希望喺僅餘嘅日子陪伴太太、女兒，並照顧本身有長期病患嘅家人。Gary慨嘆「歸來無期，未能克盡黨員責任，歉咎(疚)萬分，猶盼體諒」。
除咗Gary，新同盟兩名同因初選案而還押嘅成員譚凱邦、鍾錦麟，早前亦已退黨。另外，西貢區議員梁里亦向Emily確認，上月已退出新同盟，原因係「私人理由」。
失一半區議員 新同盟：唔會歸咎前黨員
新同盟輪任召集人任啟邦向Emily話，對Gary嘅決定感尊重、無奈，一來唔知Gary要坐幾耐；二來新同盟成立之初，Gary已係重要角色，大家多番經歷起跌。任啟邦話，該黨損失咗一半區議員，由18人跌至現時9人，對黨嘅工作、發展都有影響，但佢唔會歸咎任何退黨、辭職嘅同事，認為現時政治環境下，應該以自己同家庭考慮為先。
另外，黃大仙區議員鄭梓健噚日宣布辭職，佢facebook嘅封面圖片係「我們唯一需要恐懼的，是恐懼本身」，但佢噚日話眼見手足被入獄，宣誓更似利劍掛喺頭上，「最終都係敵唔過恐懼」。
更多港聞
【Emily】八旬董生籲打針：有問題call我 即黎睇你
【明報專訊】年過80歲嘅首任特首、全國政協副主席董建華，早前同太太一齊接種科興疫苗。董生噚日出席「香港再出發大聯盟」活動時，呼籲公衆盡快打疫... 詳情
【明報專訊】旅發局上年11月推出第一輪「賞你遊香港」，推行無幾耐就因為第三波疫情而中途暫停。好唔容易香港疫情終於緩和，旅發局噚日宣布推出第二...
詳情
八大研究七成達國際卓越 涵2013至19年項目 評審小組：證港為無審查交流中心
【明報專訊】大學教育資助委員會昨公布「2020年研究評審工作」結果，評審了8間資助大學共約1.6萬項研究，七成研究項目獲評為3*或4*（最高... 詳情
【明報專訊】政府官員及醫學專家連番呼籲市民接種新冠疫苗，多間大學近日亦「鼓勵」師生打針。教資會主席唐家成昨稱，他個人認為接種疫苗屬公民責任，...
詳情
相關新聞
