【Emily】朱順雅探何俊仁：瘦削但精神

[2021.08.09] 發表

【明報專訊】民主黨前主席何俊仁因前年10．1非法集結案判囚18個月，計埋還押嘅日子，至今入獄超過兩個月。民主黨前成員、屯門前區議員朱順雅前日去探監，話仁哥望落去明顯瘦削咗好多，體重輕咗20磅，但皮膚細緻咗，精神、氣色都幾好。仁哥話已經適應獄中單調嘅生活，日間精神唔錯，但仍然會失眠。

朱順雅話，過往兩個月曾經喺法庭上見過仁哥，有眼神對望，但兩次都相隔好遠，始終唔及近距離交談半個鐘。在囚者每月可探訪次數有限，佢感謝仁哥嘅家人安排呢次探訪，話親身見到仁哥令自己稍微放心，希望仁哥好好照顧自己，盡快平安出獄。

思考辭區議員後點服務社區

朱順雅嘅生活都有唔少變化。噚日係佢辭任區議員滿一個月，佢話自己近期唔能夠思考太多事情，心力上只夠繼續跟進在囚者嘅問題，當沉澱下來，佢會思考點樣可以維持社區服務，「身分上的改變、零資源、無助理的情况下，我實在不敢一下子去承諾什麼」，但佢希望短期內會有頭緒，亦問緊大家嘅意見。

更多港聞

【明報專訊】油尖旺前區議員林兆彬（Ben）辭職後從商，斥資6位數開黃店賣生活百貨，部分盈利會用來延續社區服務，今個星期五（13號）開始試業。... 詳情