【Emily】屋苑再出通告 「死而復生」經理換衫褲靠老婆

【Emily】屋苑再出通告「死而復生」經理換衫褲靠老婆

[2021.11.02] 發表

【明報專訊】沙田雲疊花園管理處前幾日貼出通告，話屋邨經理葉先生10月14號「証實死亡」，但同時指其後經消防等人用巨型呼吸機搶救，將葉經理嘅「性命救回」，最離奇係通告有葉經理本人簽署。屋苑噚日又更新咗葉經理嘅消息，今次由管理處出通告，話葉經理因「綑綁」病牀15日，手腳乏力，仲話經理「更換面衫面褲，底衫底褲的能力都缺乏，要由老婆協助」。

有街坊噚日喺社交媒體上載新一張通告，由住院中嘅葉經理報平安，話佢頸部肌肉出現萎縮、「沉痛」及無力，可能係喺醫院ICU「綑綁」咗15日所致。通告又話葉經理會做全身檢查，而病假至11月2日，但可以延長。

有網民話，見通告內容，即係葉經理大步檻過，祝佢早日康復；有網民就話好奇怪，點解佢連要太太幫手換底衫褲，都寫埋出嚟。