【Emily】安安可可抵港一年 屋企將升級
[2025.09.24] 發表
【明報專訊】由中央贈港嘅大熊貓安安同可可，舊年9月26日抵港，到周五就滿一年，海洋公園噚日話會有一連串慶祝活動，而下月13日至12月12日會為佢哋嘅棲息地做提升工程，所以兩隻大熊貓將會暫別公眾。
園方話安安可可已適應新生活，飲食變得「多元化」，食更多種類嘅竹子、高纖餅乾、水果及窩窩頭。動物及保育執行總監祝效忠話透過正面獎勵訓練，安安目前已會自願配合抽血同打針，而可可喺今年發情周期後會逐步回復訓練。
公園話，本周五同周六探訪兩隻大熊貓嘅訪客，有機會獲得紀念品。園方呢兩日會舉辦工作坊，分別製作熊貓糞便再造紙，同埋用兩隻大熊貓「摧毁」嘅樹木製作鉛筆。入場票需要喺活動當日早上10時親身到「香港賽馬會四川奇珍館」領取，先到先得。
更多港聞
【明報專訊】《施政報告》提出「部門首長責任制」，公務員事務局噚日向立法會提交文件，就局長楊何蓓茵早前話提供培訓畀首長或其副手，文件話公務員學...
詳情
【Emily】上月黑雨連浸兩次 敬賢里停車超前封
【明報專訊】政府提早預告超強颱風「樺加沙」可能導致多處水浸，好多低窪地區好似鯉魚門、大澳等提早戒備，住戶商戶都堆晒沙包。上個月「黑雨」期間嚴... 詳情
相關新聞
