【Emily】公務員學院開班 首長級學領導思維
[2025.09.24] 發表
【明報專訊】《施政報告》提出「部門首長責任制」，公務員事務局噚日向立法會提交文件，就局長楊何蓓茵早前話提供培訓畀首長或其副手，文件話公務員學院將設立部門首長/副首長領導培訓計劃，加強佢哋嘅領導思維同部門管理能力。
培訓內容將涵蓋公共領導及治理、問責承擔意識，同埋實踐主動領導必要嘅元素，包括掌握業務實况及潛在嘅積習問題，建立完善嘅監察同回饋系統，制定清晰及時嘅溝通策略，建構積極主動嘅部門文化及人才培養。局方期望通過培訓計劃，各部門亦會加強交流實踐經驗，一齊探討並推廣優良做法。
文件又提到，2024/25年度被免職公務員個案有40宗。睇番政府早前回覆立法會特別財委會嘅數字，最新個案數字係近4年最低，之前3個年度每年有51至60宗。
更多港聞
【Emily】上月黑雨連浸兩次 敬賢里停車超前封
【明報專訊】政府提早預告超強颱風「樺加沙」可能導致多處水浸，好多低窪地區好似鯉魚門、大澳等提早戒備，住戶商戶都堆晒沙包。上個月「黑雨」期間嚴... 詳情
視聽之娛：56K時空打到AI世代——《創戰紀》系列
【明報專訊】「黑客」、「極速上網」等是今天網絡世代的常用關鍵詞，但在互聯網仍未普及的1970至80年代，美國電影導演史蒂芬．李斯柏格開創先河... 詳情相關新聞
