【娛樂場】洪嘉豪大病醒悟 創作新歌《親愛的》
【明報專訊】洪嘉豪包辦新歌《親愛的》曲詞，監製周錫漢伙葉澍暉編曲，有別他以往抒情、中慢板曲風，是一首pop rock抒情歌，「想有一首感覺好似『嘈少少』、『rock少少』的抒情歌，歌詞部分，我幻想呢個世界有無數唔開心嘅人，包括我自己，點樣去度過唔開心嘅一晚，然後捱過咗，天光喇！想講呢一個夜晚到朝頭早嘅過程，所以覺得歌詞部分應該冇重複，愈嚟愈見到曙光，所以歌曲一開頭會有啲minor chord，去到後段就會bright晒，都係一個幾大膽嘗試，就連chorus都係得一次，我諗廣東歌嚟講非常少發生，加上我好想用音樂去做即將天亮破曉感覺，所以有成分鐘嘅outro」。他透露歌詞寫了幾個版本，每個版本寫到chorus就停了手，「因為chorus要轉韻，都寫咗幾耐，寫得幾痛苦！」
稱無真正享受生活
洪嘉豪表示經常會問自己到底想要及時行樂定未雨綢繆，「可能呢個時間，你做好多嘢為將來準備，好努力搵錢儲錢為將來打算。之前中甲型流感，嗰次實在太嚴重、太辛苦，諗如果萬一touch wood有咩事，我會有咩遺憾呢？發現原來我冇真真正正享受過生活，在這個前提下再諗，原來聽日如果你個人唔喺度，其實係冇呢個你所想嘅世界存在，大家成日都會話『世界好大，我哋好渺小』、『唔使唔開心，你好渺小啫！都唔影響到啲咩』。我想講，今日為人生將來準備咁多嘅時候，如果你聽日已經唔喺度，其實個『世界』已經冇咗，你喺度，你個世界先係度」。
《親愛的》完全符合洪嘉豪創作理念，盼透過音樂給聽眾希望，如果「你」正經歷認為很漫長的夜晚，希望歌曲能陪大家捱過長夜，給自己多一次機會，看一看明晨即將來臨的曙光。他分享經歷人生低潮時會「捱咗佢」或「瞓咗佢」，「我同大家都經歷過情緒問題或遇到感不安的事情，呢首歌係一個陪伴，好想同大家講，其實我同你都一樣，都會經歷呢一晚」。
《二月廿九》羅嘉駿執導MV
新歌MV邀得ViuTV劇《二月廿九》導演羅嘉駿執導，講述飾演燈箱師傅的洪嘉豪，工作中偶遇因感情事服藥而夢遊的女生，他決定默默跟隨女主角游走城市守護對方，陪伴她迎來天亮破曉一刻。
《魷魚遊戲》包辦史上最高收視三甲 第3季蟬聯Netflix非英語節目冠軍
【明報專訊】影視串流平台Netflix公布6月30至7月6日的一周收視，《魷魚遊戲3》以4630萬觀看次數，蟬聯非英語節目收視榜首，亦是上周... 詳情
未婚夫涉醫療事故出嫁無期 Hani憔悴亮相綜藝節目
【明報專訊】女團EXID出身的《這是愛情嗎》安喜延（Hani），去年6月宣布與拍拖多年的精神科醫生男友楊宰雄結婚。婚訊公布個多月後，楊宰雄經... 詳情
