【明報專訊】之前有個英國男人喺倫敦狂奔挑戰地鐵車速，香港版噚日終於出現，片段中男主角由旺角港鐵站落車，一路狂奔去太子站，打算上番同一班列車，可惜最後跑到落月台，只能眼白白睇住架車關埋門(圖)，望門興嘆「送車尾」。 英國一個欖球運動員之前就以78秒時間，成功由一個地鐵站，跑去下一個地鐵站上番同一班列車、同一節車廂。香港版照辦煮碗，呢段長約兩分半鐘嘅《Race the Tube》影片，喺YouTube至今有4萬幾點擊率。 片段開始時就出現「9月21日早上6時57分」、「由旺角往太子」、「要比1分50秒快」、「450米」、「兩道閘，好多樓梯」等英文字樣嘅畫面，之後就見到男主角跑離車廂，沿扶手電梯衝上閘口，再喺街頭極速狂奔嘅影像。對於「達陣」失敗，有網民就質疑短片係港鐵廣告，亦有網民認為港鐵站設計唔及外國，所以唔係主角唔夠快，只係月台離出口太遠。 (片段撮圖)
|
| |
| |
;){kind=small}
