【明報專訊】(廣告mode)當遇到隨處拋棄嘅垃圾、建築廢料同油污，淤塞嘅渠道就會為我哋帶來煩惱……新民主同盟區議員丘文俊噚日就親身體驗中咗「金」多寶嘅煩惱，因為大量糞便喺佢乙明邨明耀樓辦事處嘅洗手盆倒灌而出！ 丘文俊話，佢辦事處雖然無洗手間，但就有個洗手盆，租入辦事處時已經發現洗手盆去水位駁咗去污水渠。話說佢哋前晚已發現有小量「冲涼水」喺洗手盆倒灌，點知至噚日朝早更出現「黃金」，搞到位處地下嘅議員辦成為重災戶。試想想，三十幾層樓嘅渠水喺洗手盆去水位一湧而出，場面會係幾咁壯觀！ 丘文俊訴苦話，房協通渠「尋寶」嘅收穫亦非常豐富，佢哋喺「遍地黃金」中仲發現湯包同埋幾嚿㷛湯豬骨，唔排除有居民將成煲湯渣冲落廁所。今次事件苦了一班屋邨同議辦職員，?家議辦要噴大量空氣清新劑先可以蓋住啲黃金味！
|
| |
| |
;){kind=small}
