【明報專訊】財政司長曾俊華(右)上周一去咗長者安居協會18周年慈善籌款晚宴做嘉賓，仲好風騷咁拖住公主造型嘅羅蘭姐進場(左)。財爺一向數口精，佢話協會從事一門營業額上億元嘅生意，大讚協會「以企業養福利」嘅營運模式好有參考價值。 財爺話，長者使用協會嘅服務一般需要畀錢，大致足夠協會嘅營運開支，甚至有一啲盈餘。協會收到嘅公眾捐款及營運盈餘，就用嚟資助基層長者使用協會嘅服務。 隨着人口老化，長者服務需求增加，財爺都話銀髮市場生意有得做，例如長者時裝、興趣班、旅遊等等，叫企業值得投放更多資源，開拓呢方面嘅業務，考慮採用協會「以企業養福利」嘅模式，以較低廉價錢，為經濟條件較差嘅長者提供相同嘅服務。 (曾俊華網誌圖片)
|
| |
| |
;){kind=small}
