【明報專訊】支聯會舊年�鬖y沙嘴富好中心5樓設「六四紀念館」，點知畀法團主席巢國超入稟指違反大廈公契，官司仲打緊，噚日又起衝突。支聯會副主席蔡耀昌同Emily講，早前法團要求每層樓訪客唔可以多過20個人，巢國超噚日突然踩上5樓走廊，話人數超過20，唔畀人入去。蔡耀昌覺得冇理由限制業主接待賓客，而且其他樓層都唔見有實施呢個要求，佢覺得巢國超係用各種方法刁難六四紀念館。

蔡耀昌：保安一度阻訪客

Emily打畀巢國超，佢話限制20個人係有法律依據，遲�禶|出番封信畀支聯會，仲質疑支聯會違規，無理由覺得自己�畬矷C

蔡耀昌話，過去大廈只有�鰜D辦公時間先要做訪客登記，但同事噚日中午返紀念館時，見到兩個訪客同保安人員嘈，原來保安人員叫佢�]登記。到下午兩點幾，巢國超上到5樓，話六四紀念館有超過20人，所以同保安一齊阻止其他訪客，但最終阻止唔到。

支聯會同事又收到有個老師同5個學生�鶻茪U，畀保安員阻止上樓，同事即刻落樓接佢�]上去。蔡耀昌話呢個係不合理打壓，要研究點樣跟進。