【明報專訊】一年一度嘅「漂書節」又嚟喇，今年嚟到第五屆，將喺8月29至30號喺柴灣青年廣場舉行，今年「漂書節」仲特別以「詩」做主題，除咗預計有約萬本書畀大家「放一本，拎一本」嘅「漂書嘉年華」之外，仲會有詩會、音樂分享等活動，希望向青年人推廣詩呢種優美嘅文體。 今年漂書節有5個年輕嘅「詩人大使」，將會同大家傾吓新詩，並分享佢哋嘅創作。其中「詩人大使」陳康濤噚日就同Emily講，佢嘅創作會以「疼痛」做主題，因為佢覺得社會上有好多嘅事會觸痛佢嘅神經，希望透過寫詩表達出嚟。陳康濤又話，比起惡搞片呢啲流行嘅表達方式，詩嘅優勢在於詩表達嘅哲理可以流傳更耐。佢舉例話顧城1979年寫下嘅詩句「黑夜給了我黑色的眼睛/我卻用它尋找光明」，雨傘運動嘅時候仲會有人用嚟做banner。 留意番，漂書節玩法好簡單，只要喺活動當日，將符合佢哋規則嘅書交到入口，就換到相應數目嘅漂書券，然後憑券就可以拎走現場由出版商甚至名人捐出嘅書㗎喇！
|
| |
| |
;){kind=small}
