兩月完成大學學位 學歷被質疑 蔡思貝連答9次：要了解下先
【明報專訊】2013年度港姐亞軍蔡思貝，學歷被質疑，原本2013年在德國完成大學一年級的她，當年返港參選港姐，但於同年10月透過國力書院報讀菲律賓比立勤國立大學(BSU)工商管理學士課程，於12月取得證書，兩個月內極速完成大學學士學位。除了學歷受質疑，在選港姐時又有否虛報資料？蔡思貝昨日在無綫電視城開工並接受訪問，5分鐘訪問過程中9度說﹕「事件要先了解未清楚。」無綫企業傳訊部副總監曾醒明表示核對過蔡思貝當年所報港姐資料完全相符，她亦已履行港姐責任，不會有任何改變。
昨日在電視城趕拍古裝劇《味想天開》的蔡思貝接受訪問，她一直保持笑容，亦流露嚴肅及無奈表情。
「暫時唔會回應住」
蔡﹕蔡思貝記：記者
記﹕今日有報道指你一個月完成大學學士課程，兩個月就畢業？
蔡﹕我有睇報道，但我未了解到。
記﹕屋企人可有找你談論此事？
蔡﹕我一直都在開工，所以未了解到。
記﹕覺得整件事情，是係如報道所講？
蔡﹕我覺得我想了解清楚件事先，暫時唔會回應住。
記﹕是否透過國力報讀過菲律賓大學？
蔡﹕都係唔回應住，因為我想了解清楚件事先。
記﹕律師指如以不當手段取得學士學位，再報讀碩士，有觸犯詐騙罪之嫌？
蔡﹕所以我要了解下先。
記﹕可否講得具體少少？
蔡﹕因為我唔清楚，所以我想清楚少少才作出回應。
記﹕可有報讀過都不能說？
蔡﹕Um……(聳聳肩)
記﹕現在心情如何？
蔡﹕未知，因為我真係要了解下先，一路都開緊工。
記﹕藝員科同埋高層可有找你？
蔡﹕因為件事都係啱啱發生，我都係開緊工先至知。
記﹕是否擔心？
蔡﹕都……要睇下啦！
記﹕警方可有聯絡你？
蔡﹕未。
「我會繼續努力工作」
記﹕可擔心影響工作？
蔡﹕其實一直都努力工作，我會繼續努力工作。
記﹕覺得自己在這件事上有沒有做錯？
蔡﹕我要了解下。
記﹕讀過什麼課程，自己應該知？
蔡﹕因為件事比較複雜，咁我想了解清楚啲先回應。
記﹕你在德國讀完書回來選港姐？
蔡﹕我係由德國返嚟，2013年選完港姐後，我都一路工作。
記﹕可否說得具體一點？即是有沒有報讀過？
蔡﹕因為來龍去脈我要睇番段文，要再了解下先可以回應大家。
記﹕會唔會向劇組提出早點收工，去了解件事？
蔡﹕唔會啦！會影響到好多人，整班劇組嘅人，所以點都先完成工作先，再慢慢去想，近期都集中要開劇。
記﹕可擔心此事影響港姐名次？
蔡﹕無想這麼遠。
洪永城指蔡思貝屬誠實人
接着她便繼續開工，拍檔洪永城對蔡思貝的學歷受質疑，他表示不太了解，只聽到蔡說過被傳媒追訪學歷問題，而對方開工心情不覺有異樣﹕「她好Sharp，好精靈。」洪永城形容蔡思貝為人爽朗、率直，屬誠實的人，不似講大話。
可會關心對方，他說﹕「大家是同事、合作伙伴，我無時無刻，在劇中都睇住她。」
記者﹕鍾一虹
攝影﹕梁迺楠
■更多娛樂猛料 ﹕ol.mingpao.com
萌爆「梁浸浸」搶盡風頭 現身古巨基婚宴變集郵對象
【明報專訊】古巨基與太太Lorraine前日補辦結婚酒會，與逾500名好友分享幸福，星光熠熠。鄭希怡帶同7個月大囡囡「梁浸浸」出席，萌爆的「... 詳情
