與黎明講屎妙問妙答 鄭秀文唱到爆裙嗌救命
【明報專訊】鄭秀文(Sammi)演唱會前晚舉行第5場，她穿著新的火焰靚裙，冷不防中途突然爆裙，嚇得她尖叫嗌救命。「明福俠」黎明上台救駕，她大嗌後竟然嗌到開聲，總算因禍得福。Sammi面對「金句王」黎明都不弱，妙問妙答，一個演唱會前失篷(帳篷)、一個失聲，兩人認真惺惺相惜。
深情說話冧爆粉絲
Sammi演唱會休場一天，前晚她仍有少少咳並口乾常要飲水，但狀態大勇。她跟觀眾深情說話，指這個演唱會是一個特別歷程，從未在開騷出現這狀况，幸好自己好positive，整件事上無孤單感覺。每晚有萬幾個天使支持她，觀眾有權投訴她聲沙走音，但大家沒投訴，給她的掌聲好過咳藥水，可以陪她返去瞓更好。
嗌到聲都開晒
她唱《我們的主題曲》時換上新裙風騷地環繞舞台走一轉，裙子背後突然爆裂，她敏捷反手捉住爆拉鏈位置並求救。她尖叫說﹕「我條裙拉鏈爆咗呀，救命呀，好驚呀，我咁瘦點解會爆？」Sammi事後在社交平台檢討可能是自己一個深蹲動作而爆拉鏈。工作人員為她穿上運動外套，全場觀眾大合唱頂住先，她搞笑說﹕「我都話Part2 有嘢唔同㗎啦，又走音又爆裙，一陣甩褲添呀！lalalalalala我好樣衰！」黎明出場為Sammi檢查有沒有走光，她繼續唱﹕「lalalalalala我爆咗胎！嘩，聲都開晒呀！」
黎明金句﹕實與虛嘅邊緣
Sammi稱黎明為「明福俠」，他說感胃部不適故除了盔甲去洗手間。Sammi關心他的腸胃問題說﹕「你屙坺坺呀？」黎明解釋因為要唱歌要多些力量，吃意大利粉可能多吃了一碟。Sammi還是追問他面青青是否屙爛屎？黎明說﹕「實與虛嘅邊緣，無事嘅！」Sammi說她的裙爆了但把聲開咗，自己只想開聲，唔想開拉鏈。黎明出金句安慰說﹕「呢個世界好多事都係事與願違，有時幫你再大力推一把！」
一個失篷 一個失聲
黎明在電影《愛你愛到殺死你》中也救過台上表演的Sammi，她說跟黎明同樣在演唱會首場發生意外，笑說﹕「你失篷(帳篷)、我失聲，但我哋處理危機方法都唔錯呀！」黎明笑說﹕「不過你性感啲！」他的金句又出場說﹕「做嘢想做到100分，通常做到100分嘅時候就有突發事情發生，包括失聲。」他們又拉「腦細」林日曦上台，3人在台上擁抱拍照，林日曦笑指黎明與Sammi也不是正常人。黎明唱新歌《我唔係死蠢》時，林日曦全程網上直播。到演唱會encore時，Sammi換新衫真空大露背裝出場，全場嘩然。
文﹕娛樂組
■更多娛樂猛料 ﹕ol.mingpao.com
莊端兒單方面終止經理人合約 諸葛紫岐反發律師信：她誠信出問題
【明報專訊】模特兒莊端兒因男友張致恆背她「偷食」台灣妹Doris，導致二人分手。她昨日開記者會表示上月已單方面提出與諸葛紫岐終止經理人合約，... 詳情
