傳林一鳴搵蔡東豪 幫漢能復牌
[2016.10.08] 發表
噚日《路透》出咗段好簡短嘅報道，引述消息話漢能(0566)同證監傾緊，只要滿足到幾個條件就可以復牌。一個咁浩大嘅工程，梗係要搵猛人幫忙啦！小琴聽講，呢個猛人就係同漢能副主席林一鳴老友鬼鬼嘅《立場新聞》創辦人蔡東豪(Tony)。
蔡曾為上市委員
個報道引述咗個消息人士，話證監已經知會咗漢能兩大復牌條件﹕包括要委任財務顧問，擬定同提交復牌提議，同埋指定一間獨立核數師為公司帳目發布「無保留意見審計報告」。
小琴聽老友講，今次漢能復牌見到曙光，Tony幫咗唔少。小琴的同事打過畀Tony，問吓佢係咪幫緊漢能手，佢就無否認，只係好禮貌地一句「我no comment喎」就收咗線。咁又係，Tony做過證監會委員，又做過上市委員會，熟悉交易所條例，點都幫到啲忙。
蔡無否認幫手
老友仲同小琴講「漢能這個牌是一定要復的」，皆因家陣仲有成3億幾股漢能，擲咗喺港股通個戶口度，好多大陸投資者仲喪鬧香港多「老千股」，錢銀事小，滬港通招牌不能有污點事大呀！
更多華爾街
相關新聞
