【明報專訊】中大一項調查發現，有四成受訪市民有諗過移民或移居外地，不過僅一成人有做好準備。Emily見到「愈後生愈想走」現象，30歲或以下嘅年輕受訪者，有六成人都話想移民。 中大香港亞太研究所上月23至27號做電話調查，了解市民對移民嘅取態。調查訪問710名成年市民，近四成受訪者話，如果有機會打算移民或移居外地。近六成30歲或以下受訪者表明想移民，51歲或以上嘅只有26%。 最想去台灣澳洲加拿大 咁究竟佢想去邊？結果顯示，撇除咗約兩成人唔知想去邊外，最多人想去嘅地方依次為台灣、澳洲同加拿大。想走嘅人當中，近兩成係受當地環境較寬敞吸引，亦有近16%因為當地較民主或自由而萌生移民念頭。 Emily想知點解咁多市民打算走，原來有4個主要原因，包括「不滿特區政府，政府施政差或不滿特首或高官」、「香港居住環境擠迫」、「香港太多政治爭拗或社會撕裂嚴重」，同埋「香港經濟發展欠佳或者經濟沒有前途」。
|
| |
| |
;){kind=small}
