【明報專訊】上年首辦嘅「香港國際美食巡禮」今年繼續舉辦，本月20至24日一連5日喺九龍花墟公園舉行，150個攤位分為八大展區，市民可以免費入場。8個展區包括「百年及知名品牌」、「國際食品區」、「參茸海味區」和「休閒食品區」等，大會今年仲新增咗「創意市集」同埋有兩架美食車，另外設有「驚喜時段」，不定時咁向入場者送贈2000份禮物。 舉辦呢個活動嘅香港食品委員會嘅副會長吳永恩話，去年吸引咗20萬人次入場，預期今年一樣可以吸引20萬至25萬名市民同遊客入場，為咗方便大家購物，仲會安排免費穿梭巴士，來回石硤尾港鐵站同會場。香港食品委員會會長陳建年話，今次除咗想推廣本地美食，都會展銷其他國家嘅食品，包括韓國、台灣同東南亞等。
|
| |
| |
