醫管局App「預約通」增3專科
[2017.03.14] 發表
【明報專訊】醫管局舊年開始推出手機應用程式「預約通」，病人可以用呢個程式預約睇專科時間；噚日起預約範疇增加3個專科，包括內科、外科同心胸外科，仲會有預約提示功能𠻹。
內科 外科 心胸外科
醫管局話，病人用「預約通」約期之後，喺診症日期臨近前，電話會收到提示信息，病人亦都可以隨時用呢個程式取消預約。
病人如果想喺公立醫院專科門診預約新症，一定要提供本地註冊醫生最近3個月內簽發嘅轉介信，而由醫管局發出嘅轉介信，已經印咗二維條碼，只要用個App掃一掃條碼，就唔使影相上載轉介信。「預約通」今次新增內科、外科同心胸外科3個專科預約範疇，連同之前公布嘅婦科、耳鼻喉科、眼科、神經外科、骨科，已經有8個專科都可以用呢個程式預約喇。
更多港聞
【明報專訊】又到大學生搵實習嘅季節，近年科技行業吃香，Emily同數碼港傾開，知道佢哋喺2011年起推行「數碼科技實習計劃」，咁多年嚟已經累...
詳情
職訓試堂踴躍 港專盼增資助 發掘學生讀書以外興趣
【明報專訊】財政預算案提出加強推廣職業專才教育，其中教育局考慮邀請職業訓練機構向中學生提供短期導引課程。目前每年免費為約1000名高中生提供... 詳情
【明報專訊】教育人員專業操守議會月前就《香港教育專業守則》諮詢，昨天立法會教育事務委員會上，非建制議員包括楊岳橋、許智峯、陳志全均質疑，守則...
詳情
相關新聞
