【明報專訊】西九文化區管理局早前舉辦第一屆香港新晉建築及設計師比賽，揀咗3隊入圍嘅臨時展亭設計，臨時展亭將坐落喺苗圃公園嘅黃昏廣場，面向維港，搞小型活動最啱。西九噚日公布比賽結果，由New Office Works設計嘅「Growing Up」(圖)獲選，設計團隊嘅建築師謝怡邦同丁慧中將獲西九委聘做項目嘅設計顧問，將設計概念付諸實踐，展亭預計今年秋季開放，為期約6個月。 西九話獲選設計嘅靈感來自周邊公園嘅樹本，設計團隊早前同Emily介紹設計概念，話屋頂有管道將雨水帶到展亭四周嘅水池入面，形成水景。評審之一嘅M+設計及建築主策展人陳伯康話，獲選設計展現到簡單元素，例如傾斜嘅平面、重複嘅排列方式，優雅咁將展亭概念帶回根本，展現居所同環境嘅對話。
|
| |
| |
;){kind=small}
